Saturday, September 24, 2011

വീടുണ്ടാക്കുന്നവര്‍.

വീടുണ്ടാക്കുന്നവര്‍.
ഒരാള്‍ വീടുണ്ടാക്കുന്നത് സ്വപ്‌നങ്ങള്‍ നെയ്തെടുത്താണ്..
കല്ലുകള്‍ ,മണ്ണ്,മരം..വീടുകള്‍ ഉണ്ടാകുന്നതു അങ്ങനെ യല്ല..                 
മണ്ണ് കുഴക്കുന്നതിനു പകരം സ്വപ്‌നങ്ങള്‍ കുഴചെടുത്തു ,
കല്ല്‌ വെട്ടുന്നതിനു പകരം സ്വപനങ്ങള്‍ വെട്ടിയെടുത്ത്‌
സ്വപ്‌നങ്ങള്‍ ചെത്തിയോരുക്കി വാതായനങ്ങള്‍ തീര്‍ത്തു കൊണ്ട്                             
അവര്‍ വീടുകള്‍ഉണ്ടാക്കുന്നു.,സ്വപ്‌നങ്ങള്‍ കൊണ്ടൊരു കൂടാരമുണ്ടാക്കുന്നു...
സ്വപ്‌നങ്ങള്‍ ചിലപ്പോള്‍ പറന്നു നടക്കുന്ന തുമ്പികള്‍ പോലെയാണ്..
പാറി പറന്നേ പോകും....ആകാശ ത്തോളം പാറി യകന്നേ പോകും ..
ഒരാള്‍ വീടുണ്ടാക്കുന്നത് സ്വപ്‌നങ്ങള്‍ നെയ്തെടുത്താണ്..
തുമ്പികളെ കയ്യിലോതുക്കി ,മെരുക്കിയെടുത്തു ഒരു സ്വപ്ന കുടീരം..
തുമ്പികള്‍ പാറി പറന്നേ പോകും.,ആകാശത്തോളം ...
ഒരു കിനാവ് അവന്‍ മനസ്സിലിട്ടു ഊതിയുരുക്കി ,ഊതിയുരുക്കി 
ഒരു മാണിക്യ ക്കല്ല് പോലെ സൂക്ഷിച്ചു വെക്കുന്നു ...
അവര്‍ ഒരു നാഗമാണിക്യം സൂക്ഷിച്ചു സൂക്ഷിച്ചു വെക്കുന്നു..
സ്വപ്‌നങ്ങള്‍ ചിലപ്പോള്‍ ഒരിക്കലും പെയ്യാത്ത മഴക്കാറുകള്‍ പോലെ
ഒഴിഞ്ഞു ഒഴിഞ്ഞു പോകും..ചിലപ്പോള്‍ ആര്‍ത്തലച്ചു പെയ്തേക്കും..
സ്വപ്‌നങ്ങള്‍ കൊണ്ടവര്‍ ഒരു കൂടാരമുണ്ടാക്കുന്നു ...
ഒരു കിനാവ് മനസ്സിലിട്ടു ഊതിയുരുക്കി ,ഊതിയുരുക്കി ....
ഒരാള്‍ വീടുണ്ടാക്കുന്നത് തന്റെ സ്വപ്‌നങ്ങള്‍ നെയ്തു നെയ്തെടുത്താണ്..
സ്വപ്‌നങ്ങള്‍ കൊണ്ടവര്‍ ഒരു കൂടാരമുണ്ടാക്കുന്നു...
അവര്‍ വീടുകള്‍ തീര്‍ക്കുന്നു ,ഒരിക്കലും തീരാത്ത സ്വപ്‌നങ്ങള്‍ ഒരുക്കൂട്ടി....


2 comments:

  1. """'Rashford reveals his players are serious so they help them win.>> UEFA Champions League group stage"" "

    ReplyDelete
  2. """'Rashford reveals his players are serious so they help them win.>> UEFA Champions League group stage"" "

    ReplyDelete