Monday, July 25, 2011

കാണാതെ പോയ കവിതകള്‍

.കാണാതെ പോയ കവിതകള്‍ .


കാണാതെ പോയ കവിതകള്‍ തേടി നടക്കുകയാണ് ഞാന്‍..
വഴിയോരങ്ങളില്‍ ,ഓര്‍മ്മകള്‍ തന്‍ തീരങ്ങളിലെവിടെയോ 
കാണാതെ പോയൊരു കവിത ഒളിച്ചിരിക്കുന്നുണ്ട്....
സുഹൃത്തിനെ തേടി പോയതാണ്,അവന്‍ തിരക്കിലായിരുന്നു...
നോട്ട് കെട്ടുകള്‍ക്കിടയില്‍ സൌഹൃദമൊരു ബാധ്യത യെന്നവന്‍
 മുഖം ചുളിക്കുന്നു..ഒരു ചവറ്റുകുട്ടയില്‍ എന്റെ കവിത കാണുമോ? 
സഖാവിനെ കണ്ടെത്തിയില്ല ..ഓര്‍മകളിലൊരു ചുവന്നപൂവായി 
രക്തസാക്ഷി തറയിലൊരു പൂമരമായി അയാള്‍ വിരിഞ്ഞു നില്‍ക്കുന്നു....
സഹപാഠിയെ തെടിയെത്തിയതൊരു  തെരുവോരത്താണ് ..
മതിഭ്രമത്തിന്റെ ,ലഹരികളിലലിഞ്ഞൊരു നോവുന്നകിനാവായി 
അവന്‍ മറഞ്ഞു പോയി.ഒരു ഭ്രാന്തന്‍ സ്വപ്നമായി എന്റെ കവിതയുണ്ടോ?
കാണാതെ പോയ കവിതകള്‍ തേടി നടക്കുകയാണ് ഞാന്‍...
ബാല്യകാല സഖിയെ കണ്ടെതിയതൊരു നിറം കെട്ട സന്ധ്യയിലായിരുന്നു 
ഉണങ്ങിയ ഒരു പൂമരമായി അവള്‍ മാറിയിരിക്കുന്നു..
ഇനിയൊരിക്കലും പൂവിടാത്ത ഒരു പൂമരമാണോ എന്റെ കവിത ?
കാമുകിയെ ഇതുവരെയും കാണാനൊത്തില്ല ..ഒരു തേന്‍കണം 
അവള്‍ ചുണ്ടുകളില്‍ കാത്തു വെച്ചിരുന്നു..കാണാതെ പോയൊരു 
കവിതയെ തേടിയലയുകയാണ് ഞാന്‍.തേനിന്റെ മധുര്യമുണ്ടായിരുന്നോ 
കാണാതെ പോയ എന്റെ കവിതകള്‍ക്ക്?
ഓര്‍മ്മകള്‍ തന്‍ ശകലങ്ങള്‍ ചേര്‍ത്ത് വെച്ചു ..മറവിയുടെ ഓരങ്ങള്‍ 
താണ്ടി കാണാതെ പോയ കവിത തേടിയലയുകയാണ് ഞാന്‍!!
                                                      .  ബിപിന്‍ ആറങ്ങോട്ടുകര .
                                

No comments:

Post a Comment