Tuesday, October 11, 2011

ഹൈന്ദവ ആചാരങ്ങള്‍ ..ഒരെത്തി നോട്ടം..


 ഹൈന്ദവ ആചാരങ്ങള്‍ ..ഒരെത്തി നോട്ടം..തുടരുന്നു..
.............................................................................................................................
രണ്ട്:പേരിനോടൊപ്പം 'ശ്രീ'  എന്ന്‍ ചേര്‍ക്കുന്നത്  എന്തിനു?
...............................................................................................................................

ഒരു ബഹുമാന സൂചകമായി പേരിനോടൊപ്പംപലപ്പോഴും  ശ്രീ എന്ന്‍ ചേര്‍ക്കാറുണ്ട് ....ഹൈന്ദവ ആചാര പ്രകാരം 'ശ്രീ' എന്ന്‍ ചേര്‍ക്കുന്നതിന്റെ പൊരുള്‍ എന്താണ് എന്ന്‍ പരിശോധിക്കാം...  

ശ്രീ എന്നത് ഭാഗ്യ ദായകമാണെന്ന് പറയപ്പെടുന്നു.   ''ശ ,ര ,ഈ "  ഇവ മൂന്നും ചേര്‍ന്നാണ് ശ്രീ എന്നതു രൂപം കൊള്ളുന്നത്‌ .......ഇവയഥാക്രമം ആത്മാവ്പ്രകൃതി  , ജീവന്‍ എന്നിവയെ  അര്‍ത്ഥമാക്കുന്നു. ശ്രീ എന്ന വാക്ക് ആദി ശക്തി യാണെന്ന് ഗണിക്കുന്നു..ലോകം തന്നെ ജന്മം കൊണ്ടത്‌ ഈ ശക്തിയില്‍ നിന്നും  ആണെന്ന് ഗണിക്കപ്പെടുന്നു..സകല ചാരാ ചരങ്ങളുംസകല ലോകങ്ങളും രൂപം കൊണ്ടത്‌ ഇതില്‍ നിന്നാണെന്നും ഒരു വാദം!
തന്മൂലം ഇതിന്റെ അംശം ഉണ്ടെങ്കില്‍ അത്  ഐശ്വര്യദായകമാണെന് കരുത പ്പെടുന്നു..മാത്രമല്ല ഏതൊരു നാമരൂപതിനും പൂര്‍ണ്ണത വരണമെങ്കില്‍ അതിനു സ്ത്രീ ശക്തിയായ മഹാമായ അഥവാ ദേവി സങ്കല്പം കൂടിയേ തീരൂ..അത് പൂര്‍ത്തീകരിക്കാനാണ്  ശ്രീ എന്ന പദം ഏതൊരു  നാമത്തിന്റെ മുന്നിലും ചേര്‍ക്കുന്നത്! അപ്പോഴേ ഈശ്വരനായാലും  രാജാവായാലും പൂര്‍ണ്ണത കൈവരികയുള്ളൂ!  അതായത് ശ്രീ എന്നതു  ദേവി രൂപം അല്ലെങ്കില്‍ സ്ത്രീ ലിംഗമായ മൂലപ്രകൃതിയുടെ പ്രതി രൂപമാണ്! അപ്പോഴേ എന്തിനും പൂര്‍ണ്ണത വരികയുള്ളൂ..അത് ഐശ്വര്യ ദായകവുമാണ്  !
ഈശ്വരന്‍ ആണെങ്കില്‍  പോലും ശ്രീ എന്ന്‍ ചേര്‍ത്ത് വിളിക്കുന്നത് ഐശ്വര്യ ദായകമാണത്രെ !  ഉദാഹരണം ശ്രീരാമന്‍,ശ്രീകൃഷ്ണന്‍ അങ്ങനെ..അപ്പോള്‍ ദൈവങ്ങള്‍ക്ക് പോലും ശക്തി വരണമെങ്കില്‍ അല്ലെങ്കില്‍ ഐശ്വര്യം വരണമെങ്കില്‍ ശ്രീ എന്ന്‍ മുന്‍പില്‍ ചേര്‍ക്കണം! ഐശ്വര്യമില്ലാത്ത  ദൈവത്തിനെ ആരും പ്രാര്‍ത്ഥിക്കേണ്ട കാര്യമില്ലല്ലോ!! ഇവിടെ പ്രകൃതിയുടെ മറ്റൊരു നിയമമാണ് പാലിക്കപ്പെടുന്നത്..സ്ത്രീയും പുരുഷനും ചേരാതെ പൂര്‍ണ്ണതയില്ല എന്ന പ്രകൃതി സങ്കല്പം!
ഒരു വ്യക്തിയെ  പൂര്‍ണ്ണമാക്കുന്നത് പ്രധാനമായും അഞ്ചു കാര്യങ്ങളാണ് .നാമം,രൂപം,സ്ഥാനം ,ഗുണം,സ്വഭാവം..എന്നിങ്ങനെ അഞ്ചു കാര്യങ്ങള്‍..അതില്‍ നാമം പ്രധാനമത്രേ..ഞാന്‍ എന്ന്‍ വേര്‍തിരിച്ചു  അല്ലെങ്കില്‍ ഇന്നയാള്‍ എന്ന് വേര്‍തിരിച്ചു പറഞ്ഞത് കൊണ്ട് പൂര്‍ത്തീകരണം വരുന്നില്ല..അത് പ്രകൃതി നിയമമാണ്..നാമ രൂപാദി കള്‍ ആത്മാവിന്റെ  അല്ല പ്രകൃതിയുടെതാണ്..അത് കൊണ്ട് ഒറ്റയായി നില്‍ക്കുന്ന നാമരൂപത്തെ പ്രകൃതീ സ്വരൂപമാക്കാനാണ് ശ്രീ എന്ന്‍ ചേര്‍ക്കുന്നത്....
എന്തിനും ഏതിനും സ്ത്രീ നാമധേയം ആദ്യം വരികയാണ് വേണ്ടത്..അതായതു പ്രഥമ സ്ഥാനം സ്ത്രീ ശക്തിക്കാണ് .അല്ലെങ്കില്‍ പരമമായ ദേവീ ശക്തിക്കാണ്!..അതില്ലെങ്കില്‍ പൂര്‍ണ്ണതയില്ല..മാതാപിതാക്കള്‍,രാധാ മാധവന്‍,ഗൌരീ ശങ്കരന്‍  സീതാരാമന്‍..അങ്ങനെ ഉദാഹരണങ്ങള്‍! പ്രഥമ സ്ഥാനം ദേവീ ശക്തിയെ കാണിക്കുന്നു..പുരുഷ നാമധേയ തോടൊപ്പം ദേവീ ശക്തി അല്ലെങ്കില്‍ സ്ത്രീ ശക്തി കൂടി ചേര്‍ന്നാലേ അത് പൂര്‍ണ്ണമാകൂ....അത് പ്രകൃതി നിയമമാണ്..!
ഹിന്ദു മതത്തിലെ ദൈവ സങ്കല്‍പ്പത്തോട് വളരെ ബന്ധപ്പെട്ടു നില്‍ക്കുന്നു  ശ്രീ എന്ന നാമ രൂപം!  

ആചാരങ്ങള്‍ പലപ്പോഴും പാലിക്കപ്പെടുന്നത്  ചില മുന്‍ വിധികളെ മുന്‍ നിര്‍ത്തിയാണ്..ചിലവ യാതൊരു അര്‍ത്ഥവും ഇല്ലാത്ത കീഴ്വഴക്കങ്ങള്‍ ആണ്!
പൂര്‍വ സൂരികള്‍ക്ക്  പറ്റിയ ചില അബദ്ധങ്ങള്‍ പിന്‍ തലമുറ പിന്‍ തുടരുകയും പിന്നീടവ ശീലങ്ങള്‍ ആയി മാറുകയും ചെയ്യുന്നു!!
ഒരു പഴയ കഥയുണ്ട്..പിതാവിന്റെ ശ്രാദ്ധ കര്‍മ്മങ്ങള്‍ ചെയ്യുകയായിരുന്നു മകന്‍.  കാക്ക ബലി ചോറ്  കൊത്താന്‍ വൈകി .തൊട്ടപ്പുറത്ത് വളര്‍ത്തു പൂച്ച അത് നോക്കിയിരിക്കുന്നു..പൂച്ചയത് തൊട്ടുതോണ്ടി അശുദ്ധമാക്കണ്ട എന്ന്‍ കരുതി മകന്‍ പൂച്ചയെ ഒരു കൊട്ടക്കകത്താക്കി അടച്ചു വെച്ചു ..ഈ പ്രക്രിയ  വളര്‍ത്തു പൂച്ചകള്‍ എക്കാലവുമുണ്ടായിരുന്നത് കൊണ്ട് തുടര്‍ന്ന്‍ പോന്നു..അദ്ധേഹത്തിന്റ ബാലനായ  മകന്‍ ഇതൊരു കൌതുകമോടെ കണ്ടിരിക്കുന്നുണ്ടയിരുന്നു..കാലമേറെ കഴിഞ്ഞു ഈ ബാലന്‍ വളര്‍ന്നു ..മരണം അവന്റെ പിതാവിനെ കൊണ്ട് പോയി..പിതാവിന്റെ ശ്രാദ്ധ കര്‍മ്മങ്ങള്‍ ചെയ്യാന്‍ ആരംഭിച്ച പുത്രന്‍ ബാല്യകാലത്ത്‌ താന്‍ കണ്ടത്‌ പ്രകാരം ആദ്യം ഒരുക്കി വെച്ചത് ഒരു പൂച്ചയെയും അതിനെ മൂടി വെക്കാന്‍ ഒരു കുട്ടയും ആയിരുന്നു!! തലമുറകളിലൂടെ ഈ മാര്‍ജ്ജാര വിക്രിയ കൈമാറി വന്നപ്പോഴേക്കും അതൊരു ശീലമായി മാറിയിരുന്നു!! പിതാവ് പൂച്ചയെ അടച്ചു വെക്കുന്നത്  മാത്രം നിരീക്ഷിച്ച ബാലന്‍ അതെന്തിന് വേണ്ടി എന്ന്‍ അറിഞ്ഞില്ല!.അനേക തലമുറകള്‍ക്ക്  ശേഷം കര്‍മ്മത്തിന്  പൂച്ചയെയോ  കൊട്ടയോ  കിട്ടാതെ വിഷമിച്ചവരും ഉണ്ടായിട്ടുണ്ടാവും !! അപ്പോള്‍ ആചാരം ഒരു വിഷമം ആകുന്നു..അര്‍ത്ഥ ശൂന്യമായ ഒരു പ്രവര്‍ത്തി വിഷമം ജനിപ്പിക്കുന്നു..!!
ഇതാണ് പലപ്പോഴും മിക്ക ആചാരങ്ങളുടെയും സ്ഥിതി! എന്തിനു വേണ്ടി,എന്ത് അര്‍ത്ഥത്തില്‍ ചെയ്യുന്നു എന്ന്‍ ആരും അറിയുന്നില്ല!! കാലങ്ങളായി ശീലിച്ചു പോരുന്ന ചില അനാചാരങ്ങള്‍ മാത്രമാണവ! അല്ലെങ്കില്‍ അര്‍ത്ഥ ശൂന്യമായ ചില പ്രവര്‍ത്തികള്‍  മാത്രം! 
നിങ്ങളുടെ  അഭിപ്രായങ്ങളും പങ്കു വെക്കുമല്ലോ..  വേറൊരു വിഷയവുമായി വീണ്ടും വരാം!  (തുടരും..)
                                             .ബിപിന്‍.

2 comments:

  1. ശ്രീയുടെ അറിവ് നനായി.

    ചില അച്ചരങ്ങലെന്കിലും വെറുതെ സമയംകൊല്ലി ആണ് എന്ന് തോനിയിട്ടുണ്ട്. പക്ഷെ ചിലതൊക്കെ ശാസ്ത്രങ്ങള്‍ ആണെന്നും തോന്നാം

    ReplyDelete
  2. ശ്രീ.Thanks ശ്രീ.ബിപിന്‍ ശ്രീ.പട്ടാമ്പി

    ReplyDelete