ഒരു കള്ളനോട് എന്ത് പറഞ്ഞാണ് നിങ്ങള്‍ അടുക്കുക?
കണ്ണില്‍ കണ്ണ്നോക്കി നിങ്ങളവനെ കീഴ്പ്പെടുതുമോ ?..
മനസ്സില്‍ മനസ്സു ചേര്‍ത്ത് അവനെ ഒതുക്കുമോ?
ഒരിക്കലവന്‍ മോഷ്ട്ടിച്ചത് നിന്റെ ഹൃദയമായിരുന്നു..
ആര്‍ക്കോ വേണ്ടി കരുതി വെച്ച ഒരു സ്വപ്നം,
എന്തിനോ വേണ്ടി സൂക്ഷിച്ചു വെച്ച ഒരുടല്‍..
ഒന്നും ബാക്കി വെക്കാതെ അവനെല്ലാം കവര്‍ന്നു..
ഒരിക്കല്‍ കവര്‍ന്നു പോയാല്‍,എല്ലാം അടിമപ്പെട്ടു പോയാല്‍
പിന്നെ എന്താണ് നിങ്ങളവന് വേണ്ടി കാത്തു വെക്കുക..?
എങ്ങനെയാണ് കള്ളന്മാര്‍ കറങ്ങി നടക്കുന്നത്?
നനുത്ത പാദപതനങ്ങള്‍..പതിഞ്ഞ ശബ്ദങ്ങള്‍ ..
എന്നിട്ടും അയാള്‍ എങ്ങനെ പിടിക്കപ്പെടുന്നു..?
കെട്ടിയിടപ്പെട്ട ഒരുടല്‍ ,കൂട്ടിക്കെട്ടിയ കൈത്തണ്ടകള്‍ ..
കലങ്ങിയ നെഞ്ചിന്‍ കൂട്,വീങ്ങിയ മുഖം,പൊട്ടിയ ചുണ്ടുകള്‍..
പരിഹാസതുപ്പലുകള്‍ ഏറ്റു കുനിഞ്ഞു പോയ ശിരസ്സ്‌..
കള്ളന്മാര്‍ കറങ്ങി നടക്കുമ്പോള്‍..
നിങ്ങള്‍ എന്ത് ചെയ്യുകയായിരുന്നു?
തീന്മേശയില്‍ അപ്പവും വീഞ്ഞും പങ്കു വെക്കുക.
മെത്തയില്‍ മതി മറന്നു ഭോഗിക്കുക..
പിന്നെ അലസമായി ചാഞ്ഞു മയങ്ങുക..
പിടിക്കപ്പെട്ടു പോയ ഒരു കളളന്‍ കയര്‍ തുമ്പില്‍
കെട്ടിയാടുന്ന പേരില്ലാത്ത മുഖം മാത്രം....
എങ്കിലും ഒരു കളളന്റെ പട്ടടയില്‍ നിന്നും
അവര്‍ ഉയിര്‍ത്തെഴുന്നെല്‍ക്കുക തന്നെ ചെയ്യുന്നു!!
നമ്മളോ ഉണ്ടും ഉറങ്ങിയും മതി മറന്നും
അലസ വിശ്രമം തേടുകയാണെന്നും,..
കാലമൊരിക്കല്‍.. ഒരു പേമാരിയായി
ആര്‍ത്തലച്ചു നമുക്ക് മേലെ പെയ്തിറങ്ങും.....
. കള്ളന്മാര്‍ വാഴുന്ന കാലം..
.ബിപിന്‍.
കവിത കയ്യെത്താത്ത ഉയരത്തില്‍ നിന്ന് കൊതിപ്പിക്കുന്നു.
ReplyDelete"Fabinho lost the chance to help Liverpool. Game against West Ham> Captain Henderson has no fitness issues."
ReplyDelete