പ്രണയം ഒരു പുനര്‍ വായന അവസാനിക്കുന്നു..

എന്‍റെ ബ്ലോഗില്‍ എഴുതിയ "പ്രണയം ഒരു പുനര്‍വായന" എന്ന കഥയില്‍ നിന്നും.....

           ആറാം ഭാഗം: 

"പ്രണയം ഒരു പുനര്‍ വായന," എന്ന എന്റെ ബ്ലോഗെഴുത്ത്:

........................................................................................................................................................................

                                       

                "man is born free but every where he is in chains"......

.......................................................................................................................................................................

              അഭിലാഷ്‌ നാട്ടിലേക്ക് പോവുകയാണ്..ഞാനും ജോണും എയര്‍ പോട്ടില്‍ പോയിരുന്നു..എന്‍റെ നിര്‍ബന്ധത്തിനു വഴങ്ങിയാണ് അഭിലാഷ്‌ പോകുന്നതെന്ന് പറയാമെങ്കിലും അവന് പോകാതിരിക്കാന്‍ ആവില്ല എന്നതാണ് സത്യം..ജോണിന് ഇതൊന്നും അറിയില്ല...കൂട്ടുകാരനെ കുരങ്ങു കളിപ്പിച്ചതിന്റെ സന്തോഷവും ഗര്‍വും ജോണി ന്‍റെ മുഖത്തുണ്ട്..പക്ഷെ,അതൊരു കോമാളി സ്വയം എടുതണിഞ്ഞ പൊയ് മുഖം പോലെയാണെന്ന് അറിയാവുന്ന ഞാന്‍ മന്ദഹസിച്ചു കൊണ്ട് ജോണിന്‍റെ അരികില്‍ ചേര്‍ന്നു നിന്നു..

അഭിലാഷ്‌ തിരിഞ്ഞു നോക്കി  കൈവീശി യാത്ര പറഞ്ഞു അകത്തേക്ക പോയി..അവന്‍ ഇനി തിരിച്ചു വരില്ല എനെന്നിക്ക് അറിയാമായിരുന്നു..അവന്‍ റസിയ യെ  കാണുമെന്നും അവരുടേത് മാത്രമായ ഒരു ജീവിതം അവര്‍ തുടങ്ങുമെന്നും എന്‍റെ മനസ്സ് പറഞ്ഞു കൊണ്ടിരുന്നു...

കാര്‍ ഞാന്‍ വളരെ മെല്ലെ യാണ് ഓടിച്ചിരുന്നത്.ജോണ്‍ ധൃതി കൂട്ടി കൊണ്ടിരുന്നു..നഗരത്തിന്റെ തിരക്കുകളില്‍ നിന്നും ഒഴിഞ്ഞു കാര്‍ വിജന വീഥികളിലേക്ക് നീങ്ങിയപ്പോള്‍ സംശയത്തോടെയും ദേഷ്യ തോടെയും  ജോണ്‍ എന്‍റെ മുഖത്തേക്ക് നോക്കി..ഒരു സ്ഥലം വരെ പോകാം എന്നുപറഞ്ഞു ഞാന്‍ മന്ദഹാസത്തോടെ ഞാന്‍ ജോണിന്‍റെ മുഖത്തേക്ക് നോക്കി. എന്തോ പതിവ് പോലെ ജോണ്‍ ദേഷ്യ പ്പെട്ടില്ല....ഒരു തമാശ കാണുന്നത്  പോലെ ജോണ്‍ എന്നെ നോക്കി കൊണ്ടിരുന്നു..ഉള്ളിലൊതുക്കിയ ഒരു ചിരിയോടെ ഞാന്‍ കാര്‍ മരുഭൂമി  ലകഷ്യ മാക്കി ഓടിച്ചു....

           കാര്‍ ഒതുക്കി നിര്‍ത്തി ഞാന്‍ പുറത്തിറങ്ങി...ദേഷ്യത്തോടെ കാറിന്റെ ഡോര്‍ വലിച്ചടച് ജോണ്‍ പുറത്തിറങ്ങി.ജോണിന്‍റെ കൈയും ഇറുക്കി പിടിച്ചു ഗുഹ ലക്ഷ്യമാക്കി ഞാന്‍ നടന്നു..ഇതെന്തു ഭ്രാന്ത് എന്ന അമ്പരപ്പ് ജോണിന്‍റെ മുഖത്തുണ്ടായിരുന്നു......

  ഞങ്ങള്‍ രണ്ട് പേരും ആ ഗുഹയിലേക്ക് കയറി....ജോണ്‍ അത്ഭുതമോടെ എന്നെ  നോക്കി ..അവിടത്തെ ശാന്തമായ അന്തരീക്ഷത്തില്‍ ഞാന്‍ സന്തോഷ വതിയായി..ആകുളിര്‍മ്മയില്‍ ഞാന്‍ എന്തെന്നില്ലാത്ത ഒരു ശാന്തത  അറിഞ്ഞു..അത്ഭുതതോടെ ജോണ്‍ എന്നെ തന്നെ നോക്കുകയാണ്..ഒരു ചിരിയോടെ ഞാന്‍ എന്‍റെ വസ്ത്രങ്ങള്‍ ഉരിഞ്ഞെരിഞ്ഞു..ഇപ്പോള്‍ ഞാന്‍ സ്വതന്ത്രയാണ്..സന്തോഷവതിയാണ്....വെറും നിലത്ത് മണലില്‍ ഞാന്‍ കിടന്നു...ആ അമ്പരപ്പിന്നിടയിലും ജോണില്‍ കാമത്തിന്റെ ഉഷ്ണ ജ്വാലകള്‍  വിരിയുന്നത് ഞാന്‍ അറിഞ്ഞു..... 

എനിക്കരികിലെക്ക്അടുത്തജോണിനെഞാന്‍കഴുത്തിലൂടെകയ്യുകള്‍വരിഞ്ഞുമുറുക്കിഎന്നിലെക്കടുപ്പിച്ചു.

കരുത്തോടെ ഞാന്‍ ജോണിനെ പുണര്‍ന്നു .........

ഒരു വന്യ ജീവിയുടെ കരുത്ത്‌ എന്നില്‍ ഉണര്‍ന്നു ....

എന്‍റെ കൈകള്‍ക്കുള്ളില്‍  വീര്‍പ്പു മുട്ടുന്ന ജോണിന്മേല്‍   പ്രാകൃതനായ ഒരു  ഗുഹാ ജീവിയെ പോല്‍ ഞാന്‍ ആക്രമിച് കയറി........

ഈ കഥ ഞാന്‍ ഇങ്ങനെയാണ്  അവസാനിപ്പിച്ചത്...

കീഴടക്കപ്പെട്ട ജോണ്‍ തളര്‍ന്നവശനായി  മണ്ണിലേക്ക് വീണു  ..

അവള്‍ മെല്ലെ ജോണിന് മേലെ തല ചായ്ച്ചു .....

ഒരു കൈ കൊണ്ട് അവളെ ചേര്‍ത്ത് പിടിച്ചു ജോണ്‍ കണ്ണുകള്‍ അടച്ചു ..

അപ്പോള്‍ ജോണ്‍ അവളെ സ്നേഹിക്കുന്നു എന്നവള്‍ക്ക് തോന്നി!

അവള്‍ തന്റെ മുഖം ജോണിന്റെ മാറിടത്തില്‍ അമര്‍ത്തി..

ഇപ്പോള്‍ താന്‍ ജോണിനെ സ്നേഹിക്കുന്നുണ്ട് എന്നവള്‍ അറിഞ്ഞു..

പരാജിതനായ ജോണ്‍ അവളെ ഭ്രമിപ്പിച്ചു...

വീണ്ടും അവള്‍ ജോണിന് മേല്‍ പടര്‍ന്നു കയറി..

തോല്‍വിയുടെ പടുകുഴിയില്‍ വീണു പോയ ജോണ്‍ ഒരു കുട്ടിയെ പോലെ 

തളര്‍ന്നുറങ്ങാന്‍  തുടങ്ങി......

                     .

                     .

                     .

                     .

അവള്‍ ജോണിന്റെ കഴുത്തില്‍ തന്റെ ചുണ്ടുകളമര്‍ത്തി ..

പിന്നെ മെല്ലെ മെല്ലെ തന്റെ പല്ലുകള്‍ ജോണിന്റെ കഴുത്തിലമര്‍ത്തി ..

ചോരയുടെ ചൂടും ഉപ്പു രസവും അവളുടെ ചുണ്ടുകളെ നനച്ചു..

ഒന്ന്‌ പിടയുന്നതിനു മുന്നേ ജോണ്‍ മരണത്തിനു കീഴടങ്ങി..

ചൂടു വിട്ടു മാറാത്ത ആ ശരീരത്തോട് ചേര്‍ന്ന് അവള്‍ കിടന്നു..

പുറത്തു ഇരുട്ട് വീഴാന്‍ തുടങ്ങിയിരുന്നു.. 

ജോണിന്റെ  തണുത്തുറഞ്ഞ ശരീരത്തോട് ചേര്‍ന്ന് അവള്‍ കിടന്നു....

                     .

                     .

                     . 

ഇരുട്ടില്‍ ഒരു ശീല്കാരം ഉയര്‍ന്നു....

ഇഴഞ്ഞെത്തുന്ന അവന്റെ സാമീപ്യം അവളറിഞ്ഞു.

 മെല്ലെ മെല്ലെ അവന്‍ അവളില്‍ ഇഴഞ്ഞു കയറി..

തിളങ്ങുന്ന വൈഡൂര്യകല്ലുകള്‍.....

അവന്‍ എഴുന്നേറ്റു നില്‍ക്കുന്നത് പോലെ തോന്നി..ഒരാള്‍ രൂപം പൂണ്ടത് പോലെ....

വൈഡൂര്യ കല്ലുകള്‍ കൂടുതല്‍ തിളങ്ങി..ഒരു നിശ്വാസം....

ഉയര്‍ന്നു നില്‍ക്കുന്ന ഫണം..അവള്‍ എന്തിനെന്നോ പോലെ കാത്തിരുന്നു.

അല്‍പ്പ നേരത്തെ നിശ്ചലത......

അവളുടെ നെറ്റിയില്‍ ഒരു ചുംബനമായി അവന്റെ വിഷപ്പല്ലുകള്‍ ആഴ്ന്നിറങ്ങി...

നിര്‍വൃതിയോടെ അവളതു ഏറ്റു വാങ്ങി...

മരണം ഒരു തണുപ്പായി അവളില്‍ അരിച്ചിറങ്ങി...

അവള്‍ മെല്ലെ കണ്ണുകളടച്ചു. ....

കഥാകാരന്‍ പറയുന്നു:

sidhu  701@gmail.com  എന്ന മെയില്‍ ഐ .ഡി. യില്‍   നിന്നും എനിക്കയച്ചു കിട്ടിയ 

"ജിനി ജോണ്‍ ഫിലിപിന്റെ കുറിപ്പുകള്‍ "  വായിച്ചതില്‍  നിന്നും  എനിക്ക്തോന്നുന്നത്   

ഒരു പക്ഷെ,ഇങ്ങനെയായിരിക്കില്ല ഇതിന്റെ അവസാനം എന്നാണ് ..പലര്‍ക്കും അഭിപ്രായവ്യത്യാസങ്ങള്‍ ഉണ്ടാകാം  ..പക്ഷെ,ആ  കുറിപ്പുകള്‍ വായിച്ചതില്‍ നിന്നുംരൂപം  കൊണ്ട  എന്റെ നിഗമനം ഇതാണ്:

ആ കഥ ഇങ്ങനെ അവസാനിപ്പിക്കാനാണ് എനിക്കിഷ്ട്ടം....

                                                                                   

തണുത്തു നിശ്ചലമായ ജോണിന്റെ  ശരീരം അവള്‍ വലിച്ചു ഗുഹക്ക് പുറത്തെക്ക്  കൊണ്ട് വന്നു..ചൂടു കാറ്റടിച്ചു ജോണിന്റെ നഗ്നശരീരം പൊള്ളിയടരുന്നത് പോലെ...മണലില്‍ ആ ശരീരം കിടത്തി ഒന്ന്‌ കൂടി തിരിഞ്ഞു നോക്കി അവള്‍ മരുഭൂമി ലക്ഷ്യമാക്കി നടന്നു.....

മണല്‍ക്കാറ്റ്‌   വീശിയടിച്ചു..

കാറ്റിന്റെ  ഹുങ്കാരം......

 മണല്‍ തരികള്‍  സൂചിമുനകള്‍  പോലെ അവളുടെ നഗ്നശരീരത്തില്‍  കുത്തിതറക്കുന്നു..

ചൂടേറ്റു അവളുടെ കാല്‍ പാദം പൊള്ളി...

അവള്‍ കൂടുതല്‍ ഉള്ളിലേക്ക്  മരുഭൂമി ലക്ഷ്യമാക്കി നടന്നു.

ശക്തിയോടെ കാറ്റു വീശിയടച്ചു.....

ചുട്ടു പൊള്ളുന്ന മണല്‍ക്കാറ്റ്‌ അവളെ വട്ടം ചുറ്റി പറന്നു..

മരുഭൂമിയുടെ കൂടുതല്‍ ചൂടുകളിലേക്ക് അവള്‍ നടന്നു കയറി...

ഒരു വലിയ കാറ്റായി മരുഭൂമി അവളെ പൊതിഞ്ഞു..

നിലയില്ലാത്ത മരുഭൂമി അവളെ ഏറ്റു വാങ്ങി.....

                 .

                 .

                 .

                 .

പ്രണയം ഒരു പുനര്‍വായന....

അവസാനിക്കുന്നു.....

 ശുഭം....!!

പ്രണയം ഒരു പുനര്‍വായന ... തുടരുന്നു..

അതൊരു സ്വപ്നം മാത്രമായിരുന്നോ? എന്തോ എനിക്കോര്‍മ്മയില്ല.......

    ഉണരുമ്പോള്‍  പുറത്തു ഇരുട്ട് വീഴാന്‍ തുടങ്ങിയിരിക്കുന്നു..ഗുഹക്കുള്ളില്‍ വല്ലാത്ത ഒരു നിശബ്ദതയും ..തണുപ്പും..മരുഭൂമിയില്‍ തണുപ്പ് ഒരു കാറ്റായി അകത്തേക്ക് വീശി  കൊണ്ടിരിക്കുന്നു..എങ്ങോട്ട് പോകുമെന്ന സംശയത്തില്‍   ഞാന്‍ അവിടെ തന്നെയിരുന്നു..പുറത്തിറങ്ങിയാല്‍ ഒരു പക്ഷെ,വഴി തെറ്റിപോയാലോ?  അങ്ങനെയൊരു  ഭയത്താല്‍ ഞാന്‍ അവിടെ തന്നെയിരുന്നു..

വല്ലാത്ത നിശബ്ദത മാത്രം...അരിച്ചിറങ്ങുന്ന തണുപ്പ്.....

ചില ശബ്ദങ്ങള്‍ കേള്‍ക്കുന്നത് പോലെ..ഒരു നിമിഷം ഞാന്‍ വല്ലാതെ ഭയന്നു പോയി..പിന്നെ അതോര്‍ത്തു ചിരിച്ചു..ഒരു പക്ഷെ..ഇത് ഏതെങ്കിലും  പ്രാകൃത ഗുഹാ ജീവിയുടെ താവള മായിരിക്കുമോ?

എപ്പോഴോ പ്രാകൃതനായ ഒരു ഗുഹാ ജീവി കടന്നു വന്നു എന്നെ ആക്രമിക്കുമെന്നു ഞാന്‍ ഭയന്നു....അല്ല അങ്ങനെ ആശ്വസിച്ചു..ആ ജീവി തന്റെ പരുക്കന്‍ കൈകള്‍ കൊണ്ട് എന്നെ ഒരു പഴം തുണി യെന്ന പോല്‍ പിച്ചി കീറിയിരുന്നു വെങ്കില്‍ എന്ന് ഞാന്‍  ആഗ്രഹിച്ചു...

ഞാനെഴുന്നേറ്റു ..ആ തണുപ്പിലും ഞാനെന്റെ വസ്ത്രങ്ങള്‍ ഊരിയെറിഞ്ഞു.. തണുപ്പ് സൂചി മുനകള്‍ പോല്‍ എന്നില്‍ തറഞ്ഞു കയറാന്‍  തുടങ്ങി....

തണുപ്പുറഞ്ഞ മണലില്‍ ഞാന്‍ കിടന്നു....

ഇപ്പോള്‍ ഞാന്‍ സ്വതന്ത്ര യായ ഒരു കിളിയെ പോലെ യാണെന്ന് തോന്നി..അങ്ങനെ വിവസ്ത്ര യായി മരുഭൂമിയുടെ തണുപ്പിലേക്ക് നടന്ന്‍ പോകാന്‍ ഞാന്‍  കൊതിച്ചു....എങ്കിലുംഎഴുന്നെല്‍ക്കാനാകാതെ ഞാന്‍ അവിടെ തന്നെ കിടന്നു..

എന്തിനേയോ പ്രതീക്ഷി ച്ചെന്ന പോല്‍ ഞാനവിടെ കിടന്നു..ആ പ്രാകൃത ജീവി കടന്നു വരുമെന്ന് ഞാന്‍ കരുതിയിരുന്നുവോ?

അല്‍പ്പ  നിമിഷങ്ങള്‍ ..തണുപ്പുറഞ്ഞ നിശബ്ദത..എന്തോ ചില അനക്കങ്ങള്‍ കേള്‍ക്കുന്നു..ഞാന്‍ പ്രതീക്ഷിചു ..അതവനായിരിക്കും..ആ പ്രാകൃത ജീവി......

ഇഴഞ്ഞെതുന്ന ശീല്‍ക്കാരം ഞാനറിഞ്ഞു..ഉറയുന്ന തണുപ്പായി അതെന്നെ തഴുകി...

കാലുകളില്‍  നിന്നുമാ തണുപ്പു അരിച്ചു അരിചു മേലോട്ട് കയറുന്നു....ഒരു മരവിപ്പോടെ ഞാനാ തണുപ്പ് ഏറ്റു വാങ്ങി....

ശീല്‍ക്കാരം.....ഉയര്‍ന്നു നില്‍ക്കുന്ന ഫണം,തിളങ്ങുന്ന വൈഡൂര്യക്കല്ലുകള്‍ പോലെ അവന്റെ കണ്ണുകള്‍....

എന്റെ മുഖത്തോട് ചേര്‍ന്ന് ആ ശീല്‍ക്കാരം......ഉയര്‍ന്നു നില്‍ക്കുന്ന തിളങ്ങുന്ന വലിയ ഫണം..ഇരുട്ടിലും തിളങ്ങുന്ന ആ രൂപം..ഞാന്‍ കണ്ണുകള്‍  മുറുക്കിയടച്ചു......അവന്റെ വിഷപ്പല്ലുകളുടെ ചുംബനവും കാത്ത് ഞാന്‍ കിടന്നു....നിമിഷങ്ങള്‍...ഇഴഞ്ഞു  നീങ്ങി....

ഞാന്‍  കണ്ണ് തുറന്നു നോക്കി.ഒന്നുമില്ല...ഫണം താഴ്ത്തി അവന്‍ മെല്ലെ താഴേക്കു ഇഴഞ്ഞിറങ്ങുന്നു....പിന്നെ മെല്ലെ എന്റെ ഇടത്തെ കവിളില്‍ താഴ്ത്തിയ പത്തിയുമായ്‌   അവന്‍ ചേര്‍ന്നു കിടന്നു....എന്നില്‍ എന്തൊക്കയോ നിറയുന്നത് പോലെ....ഞാന്‍ കണ്ണുകളടച്ചു......

ഉറക്ക മുണര്‍ന്നപ്പോള്‍ ..നേരം വെളുത്തിരിക്കുന്നു..ഗുഹക്ക് പുറത്ത്‌ ചുട്ടു പൊള്ളുന്ന വെയില്‍ .നരച്ച മണല്‍ ക്കാട്....കടല്‍ പോലെ വെയിലേറ്റു തിളങ്ങുന്ന മരുഭൂമി അകലെ കാണാം.......

എല്ലാം ഒരു സ്വപ്നമായിരുന്നോ.?ഞാനെഴുന്നേറ്റു ..ചുറ്റിലും നോക്കി.....

ഒന്നും കാണുന്നില്ല..എന്തോ ഒരു സാമീപ്യത്തിന്നുവേണ്ടി ചുറ്റിലും ഞാന്‍ പരതി നോക്കി....ഒന്നും കാണുന്നില്ല..കിളിക്കൂട്ടങ്ങള്‍ പറന്നു പോയിരിക്കുന്നു..ഗുഹക്കുള്ളില്‍ ഞാന്‍ മാത്രം..തികഞ്ഞ നിശബ്ദത..എന്റെ  കഴുത്തില്‍ വിഷപ്പല്ലുകളുടെ പാടുകള്‍ തേടി ഞാന്‍ തടവി നോക്കി...ഒരു സ്വപ്നം മാത്രമായിരുന്നു അതെന്നു എനിക്കിപ്പോഴും വിശ്വസിക്കാന്‍ കഴിയുന്നില്ല..എന്റെ ശരീരമാകെ ഞാന്‍ തടവി നോക്കി..ആകെ ചുവന്നു തിണര്‍ത്തിരിക്കുന്നു.....

വസ്ത്രങ്ങള്‍ ധരിച്ചു ഞാന്‍ പുറത്തിറങ്ങി..അതിന്നകത്തെ ശാന്തത എന്നെ പിന്നീടും അവിടേക്ക് കൊണ്ട് വന്നു...എന്തോ ഒരു ശക്തി എന്നില്‍ നിറയുന്നത് പോലെ എനിക്ക് തോന്നി..

രണ്ടു ദിവസം കഴിഞ്ഞു  ജോണ്‍ വന്നു...അന്നാണ് ജോണിനെ ഞാന്‍ കീഴടക്കിയത്! അന്ന് രാത്രിയില്‍ വീഞ്ഞിന്റെ ലഹരിയിലുന്മത്തയായി   ഞാനെന്റെ വസ്ത്രങ്ങള്‍ ഉരിഞ്ഞെറിഞ്ഞു  മുറിയില്‍ ഉലാത്തി..ഒരു വൈഡൂര്യക്കല്ലിന്റെ തിളക്കം എന്‍റെ കണ്ണുകളില്‍ ഞാനറിഞ്ഞു...ജോണിന്‍റെ ശരീരത്തില്‍ ആസക്തിയുടെ ഉഷ്ണജ്വാലകള്‍ വിരിയുന്നത് ഞാനറിയുന്നുണ്ടായിരുന്നു..ഒരു സര്‍പ്പത്തെ പോലെ ഞാന്‍ ജോണിനെ പുണര്‍ന്നു.....

                അവിശ്വാസത്തോടെ ജോണ്‍ എന്നെ നോക്കി കിടക്കയില്‍  വീണ് കിടക്കുന്നു..ജോണ്‍ അത്ഭുതമോടെ എന്നെ നോക്കുന്നു..ഞാന്‍ ഉറക്കയുറക്കെ ചിരിച്ചു..എത്രയോ കാലമായി എന്നില്‍ അടങ്ങി കിടന്നിരുന്ന ഒരു വന്യതയുണര്‍ന്നത്‌ പോലെ....പരാജിതനായ ജോണ്‍ എന്നെ സന്തോഷ ഭരിത യാക്കി..ഒരുന്മാദിയെ പോല്‍ ഞാന്‍ ഉറക്കെയുറക്കെ ചിരിച്ചു കൊണ്ടിരുന്നു....

ആ നിശബ്ദതയും ശാന്തതയും എന്നെ വീണ്ടും അവിടേക്ക് കൊണ്ട് പോയി....പലപ്പോഴും രാത്രികളി ല്‍ ഞാനവിടെ കഴിച്ചു കൂട്ടി..വിവസ്ത്രയായി ഒരു ഗുഹാ ജീവിയെ പോലെ ഞാനവിടെ കഴിഞ്ഞു....

                  മനുഷ്യന്‍ എന്ന് മുതലാണ്‌ വസ്ത്രങ്ങള്‍ ധരിക്കാന്‍ തുടങ്ങിയത്? അതോട് കൂടി അവര്‍ ബന്ധനസ്ഥരായി തീര്‍ന്നു എന്നാണു എനിക്ക് തോന്നുന്നത്!! വസ്ത്രങ്ങള്‍ പറിച്ചു കളഞ്ഞു നിങ്ങള്‍ക്ക്സ്വതന്ത്രര്‍ ആകാന്‍ കഴിയുമെങ്കില്‍ അനിര്‍വചനീയ മായ ഒരാഹ്ലാദം നിങ്ങളെ വലയം ചെയ്യുന്നത് കാണാന്‍ കഴിയും! ശരീരത്തില്‍ എന്ന പോല്‍ മനസ്സിലും എന്തൊക്കയോ അനാവശ്യ ആവര ണങ്ങള്‍  നിങ്ങള്‍ എടുത്തണിഞ്ഞിരിക്കുകയാണോ? അവയെല്ലാം ഒരിക്കലെങ്കിലും പറിച്ചെറിയാന്‍ കഴിയുമെങ്കില്‍ നിങ്ങള്‍ അനുഭവിക്കുന്ന സന്തോഷം പറഞ്ഞറിയിക്കാന്‍ കഴിയാത്തവയാണ്!! 

                     പലപ്പോഴും ഞാനവിടെ രാത്രികളിലും ചിലപ്പോള്‍ പകലും കഴിച്ചു കൂട്ടി..ആ ശാന്തത എന്റെ മനോ വ്യാപാരങ്ങളെ സമ്പുഷ്ട്ട മാക്കി..പൂര്‍ണ്ണ നഗ്നയായി മരുഭൂമിയിലേക്ക് നടന്നു കയറുവാന്‍ ഞാന്‍ കൊതിച്ചു.......

അലക്ഷ്യമായാണ് ഞാന്‍ കാറോടിച്ചു കൊണ്ടിരുന്നതെങ്കിലും എന്‍റെ ലക്ഷ്യം അതായിരുന്നു..വളരെ വേഗം ആ ശാന്തതയിലേക്ക് എത്താന്‍ ഞാന്‍ കൊതിച്ചു....എത്രയും വേഗം അവിടെ എത്താന്‍ ഞാന്‍ കൊതിച്ചു........

വഴിയോരത്ത്‌ കാര്‍ ഒതുക്കിയിട്ട് ഞാന്‍ പാറക്കൂട്ടങ്ങള്‍ ക്കിടയിലെ ഗുഹയിലേക്ക് നുഴഞ്ഞു കയറി....

                                                    .

                                                    .

                                                    .           

ഇവിടെ മുതല്‍ അവ്യക്ത മായ എന്തൊക്കയോ കുറിപ്പുകള്‍ മാത്രമേയുള്ളൂ..പലതും വ്യക്തമല്ലാത്ത ചില ചിന്താ ശകലങ്ങള്‍ മാത്രമാണ്..ഒരു ഉന്മാദിയുടെ ചിന്തകള്‍ എന്ന് വേണമെങ്കില്‍ പറയാം....വളരെ ശ്രമകരമായി ഞാനത് വായിച്ചെടുത്തു..അഭിലാഷ്‌ മേനോനെ കണ്ടു കാര്യങ്ങള്‍ ചര്‍ച്ച ചെയ്‌താല്‍ കുറച്ചു കൂടി വ്യക്തത കൈവരുമെന്നു  തോന്നിയെങ്കിലും ഞാനാ ശ്രമം ഉപേക്ഷിച്ചു..അത് അവരുടെ ജീവിതത്തെ വീണ്ടും ഉലച്ചു കളയുമോ എന്ന്തോന്നിയത് കൊണ്ട് ആയിരിക്കുമോ ഞാനാ  ശ്രമം ഉപേക്ഷിച്ചു..

എന്‍റെ വക ചില കൂട്ടി ചേര്‍ക്കലുകള്‍ കൂടി നടത്തി ഞാനത്   ഒരു കഥയായി എഴുതാന്‍ ഒരു ശ്രമം നടത്തി......

എന്‍റെ ബ്ലോഗില്‍ എഴുതിയ "പ്രണയം ഒരു പുനര്‍വായന" എന്ന കഥയില്‍ നിന്നും.....

           ആറാം ഭാഗം: 

"പ്രണയം ഒരു പുനര്‍ വായന," എന്ന എന്റെ ബ്ലോഗെഴുത്ത്:

..................................................................................................................(തുടരും..)